ن لیگ کے ارکان اسمبلی مستعفی ہونا شروع،نوازشریف کے حکم پر پہلا استعفیٰ آگیا

سلام آباد (نیوز ڈیسک) مسلم لیگ ن حکومت کو گرانے کیلئے انتہائی قدم اٹھانے کیلئے مکمل طور پر تیار ہو گئ ہے نوازشریف کے حکم پرارکان پارلیمنٹ نے استعفے دینا شروع کردیئے ہیں مسلم لیگ ن کے تمام اراکین قومی و صوبائی اسمبلی 8 دسمبر تک استعفے پارٹی قیادت کو جمع کروا دیں گے۔ جبکہ حلقہ این اے 90 سے رکن قومی اسمبلی چودھری حامد حمید کی جانب سے پہلا تحریری استعفیٰ بھی سامنے آ گیا ہے۔

تفصیلات کے مطابق مائیکروبلاگنگ ویبسائٹ ٹویٹر پر اینکر پرسن ثمر عباس نے چودھری حامد حمید کا تحریری استعفیٰ شئیر کیا اور کہا کہ مسلم لیگ ن کے تمام ارکان قومی اسمبلی و صوبائی اسمبلی 8 دسمبر تک اپنے استعفے پارٹی قیادت کو جمع کروا دیں گے۔پہلا استعفی حامد حمید کا سامنے آیا ہے۔ آج ہی مزید بہت سے استعفے آ جائیں گے۔دوسری جانب حامد حمید نے اپنا استعفیٰ اسپیکر قومی اسمبلی اسد قیصر کے نام لکھا اور کہا کہ گزارش ہے کہ میرے تاحیات قائد میاں محمد نواز شریف اور میاں محمد شہباز شریف
کی ہدایت پر اور اس ملک و قوم کے بہترین مستقبل کے لیے یہ اب انتیائی ناگزیر ہو چکا ہے کہ اس نااہل اور نالائق وزیراعظم کو اب گھر جانا چاہئیے ۔میرے ملکی مسائل حل نہ ہونے پر بجلی، گیس ، ادویات، آٹا ، چینی ، دالیں ، پٹرول ، سبزیاں، پھل مہنگا کرنے پر ملک میں بے روزگاری بڑھانے پر ملک میں لاقانونیت بڑھانے پر، میڈیا پر پابندیاں لگانے پر ، اپوزیشن پر ناجائز مقدمات بنانے پر ، کشمیر کا سودا کرنے پر ، اسرائیل کو تسلیم کرنے کی بات کرنت پر ، مرزائیوں کی بے جا حمایت کرنے پر ، علما کی تذکیل کرنے پر ، غریب کو غریب تر کرنے پر ، میں اور میری جماعت کی اعلیٰ قیادت یہ سمجھتی ہے کہ حکومت سیلیکٹڈاور نا اہل ہے۔

50% LikesVS
50% Dislikes

اپنا تبصرہ بھیجیں