قدم بڑھاؤ  جہانگیر ترین  ہم تمہارے ساتھ ہیں ۔۔۔!!! جہانگیر ترین کو تحریک انصاف کا قائد قرار دے کر نعرہ لگا دیا گیا

قدم بڑھاؤ جہانگیر ترین ہم تمہارے ساتھ ہیں ۔۔۔!!! جہانگیر ترین کو تحریک انصاف کا قائد قرار دے کر نعرہ لگا دیا گیا

لاہور (ویب ڈیسک) پاکستان تحریکِ انصاف (پی ٹی آئی) کے رہنما و ایم این اے راجہ ریاض نے کہا ہے کہ ہم تحریکِ انصاف کے قائد جہانگیر ترین کے ساتھ ہیں۔پاکستان تحریکِ انصاف (پی ٹی آئی) کے رہنما راجہ ریاض دیگر پی ٹی آئی رہنماؤں اور جہانگیر ترین کے ہمراہ لاہور کی سیشن

عدالت پہنچے۔اس موقع پر میڈیا سے گفتگو کرتےہوئے انہوں نے کہا کہ عمران خان ہمارے کپتان ہیں۔راجہ ریاض نے کہا کہ جہانگیر ترین کے ہمراہ 22 ایم پی ایز اور 8 ایم این ایز حمایت کے لیے آئے ہیں، ہم غلط نہیں، تحریکِ انصاف کے ہمدرد لوگ ہیں۔انہوں نے کہا کہ جہانگیر ترین کے خلاف سازش کرنے والے وزیرِ اعظم عمران خان اور تحریکِ انصاف کے خلاف سازش کر رہے ہیں۔راجہ ریاض کا کہنا ہے کہ سازش کر کے جہانگیر ترین کے خلاف مقدمات بنائے گئے، خان صاحب! آپ سے اپیل ہے کہ اس بارے میں سوچیں۔پاکستان تحریکِ انصاف(پی ٹی آئی) کے رہنما کا کہنا ہے کہ ہم پی ٹی آئی کی حکومت اور عمران خان کو مضبوط دیکھنا چاہتے ہیں۔انہوں نے مزید کہا کہ وزیرِ اعظم عمران خان کے ساتھ کچھ لوگ ایسے بھی ہیں جو جہانگیر ترین کو ٹارگٹ کر رہے ہیں۔راجہ ریاض کا یہ بھی کہنا ہے کہ ہم کوئی رعایت نہیں مانگ رہے، عدالت سے سرخرو ہوں گے، جہانگیر ترین عدالت میں اپنے خلاف جھوٹے مقدمات کو فیس کر رہے ہیں۔

50% LikesVS
50% Dislikes

اپنا تبصرہ بھیجیں