پی ڈی ایم کو ایک اور دھچکا۔۔۔!!! پیپلز پارٹی نے( ن) لیگ پر بجلیاں گرادیں

پی ڈی ایم کو ایک اور دھچکا۔۔۔!!! پیپلز پارٹی نے( ن) لیگ پر بجلیاں گرادیں

لاہور(ویب ڈیسک)پیپلزپارٹی پی ڈی ایم میں شامل مسلم لیگ ن کو کندھا نہیں دیگی اورنہ ہی کسی احتجاجی سیاست کا حصہ بنے گی۔آئندہ اپنی پالیسی خود طے کر کے آگے بڑھے گی۔ یہ فیصلہ آصف زرداری اور بلاول بھٹو پر مسلم لیگ ن کی تنقید کے بعد کیا گیا۔ تاہم فوری طور پر پیپلزپارٹی کے پی ڈی ایم سے علیحدہ ہونےکا کوئی امکان ظاہر نہیں کیا گیا۔روزنامہ جنگ میں تجمل گرمانی کی شائع خبر کے مطابق پیپلز پارٹی پی ڈی ایم کی احتجاجی تحریک کا حصہ نہیں بنے گی اور نہ ہی پی ڈی ایم کےفیصلوں کے تابع ہو گی۔



پیپلزپارٹی مستقبل میں اپنے فیصلے خود کریگی۔ مریم نواز کی نیب پیشی کے موقع پر پیپلزپارٹی احتجاج میں شامل نہیں ہو گی۔سینیٹ الیکشن میں اپوزیشن لیڈر کیلئے امیدوار نامزد کیا جائے گا، کراچی میں قومی اسمبلی کے حلقہ میں مسلم لیگ ن کے مقابلے میں امیدوار کھڑا ہو گا۔دوسری جانب پاکستان پیپلز پارٹی وسطی پنجاب کے صدر قمرزمان کائرہ نے کہاہے کہ آج بھی اورمستقبل میں بھی پی ڈی ایم کو قائل کریں گے ،ہم نہیں چاہتے اتحادمیں دراڑ پڑے ،چار اپریل کو سنٹرل ایگزیکٹو کمیٹی کے اجلاس کے بعدپی ڈی ایم کے پاس جائیں گے،جب مسلم لیگ(ن) رابطہ کرے گی تو پھر بتائیں گے کہ بلاول بھٹو نے مریم نواز کیساتھ نیب جانا ہے یا نہیں،پیپلزپارٹی سینیٹ میں قائد حزب اختلاف کے عہدے کیلئے مری نہیں جارہی ،یوسف رضاگیلانی سینیٹ میں سینئر ترین رہنما ہیں ،ہماراموقف ہے کہ چیئرمین سینیٹ کے انتخاب کاعدالت میں جلدفیصلہ ہو جائے گا ، تب تک انہیں قائد حزب اختلاف بننا چاہیے اوراس کے بعدبیٹھ کر دیکھ لیں گے،کسی اجلاس میں طے نہیں ہوا تھا استعفے دینے ہیں، بہت سے اختلافات ہوتے ہیں لیکن میڈیا میں گفتگو نہیں ہونی چاہیے، کئی باتیں اشاروں میں کی جاتی ہیں اس لئے اشاروں میں ہی رہنے دیں۔ان خیالات کا اظہارانہوں نے فیصل کریم کنڈی اورسید حسن مرتضیٰ کے ہمراہ پریس کانفرنس کرتے ہوئے کیا ۔










50% LikesVS
50% Dislikes

اپنا تبصرہ بھیجیں